ਲੁਧਿਆਣਾ ਜ਼ਿਲ੍ਹੇ ਦੀ ਸੈਂਟਰਾ ਗਰੀਨ ਪ੍ਰੀਮੀਅਮ ਸੋਸਾਇਟੀ ‘ਚ ਅੱਜ ਸਵੇਰੇ-ਸਵੇਰੇ ਹਾਈ ਅਲਰਟ ਜਾਰੀ ਕਰ ਦਿੱਤਾ ਗਿਆ ਅਤੇ ਨਾਲ ਹੀ ਲੋਕਾਂ ਨੂੰ ਆਪਣੇ ਫਲੈਟਾਂ ‘ਚ ਹੀ ਰਹਿਣ ਦੀ ਸਲਾਹ ਦਿੱਤੀ ਗਈ। ਜਾਣਕਾਰੀ ਮੁਤਾਬਕ ਇਸ ਸੋਸਾਇਟੀ ‘ਚ ਸ਼ੁੱਕਰਵਾਰ ਸਵੇਰੇ ਇਕ ਚੀਤਾ ਆ ਗਿਆ। ਜਿਸ ਤੋਂ ਬਾਅਦ ਮੈਨਜਮੈਂਟ ਵੱਲੋਂ ਪੂਰੀ ਸੋਸਾਇਟੀ ‘ਚ ਹਾਈ ਅਲਰਟ ਜਾਰੀ ਕਰ ਦਿੱਤਾ ਗਿਆ।
ਇਸ ਦੇ ਨਾਲ ਹੀ ਸੋਸਾਇਟੀ ਦੇ ਲੋਕਾਂ ਨੂੰ ਸਲਾਹ ਦਿੱਤੀ ਗਈ ਕਿ ਉਹ ਆਪਣੇ ਫਲੈਟਾਂ ‘ਚ ਹੀ ਰਹਿਣ ਅਤੇ ਬਾਹਰ ਨਾ ਨਿਕਲਣ। ਫਿਲਹਾਲ ਸਵੇਰ ਤੋਂ ਹੀ ਸਰਕਾਰੀ ਟੀਮਾਂ ਚੀਤੇ ਨੂੰ ਫੜ੍ਹਨ ਲਈ ਪੁੱਜੀਆਂ ਹੋਈਆਂ ਹਨ ਪਰ ਖ਼ਬਰ ਲਿਖੇ ਜਾਣ ਤੱਕ ਚੀਤਾ ਪਕੜ ਤੋਂ ਬਾਹਰ ਸੀ
