ਕ੍ਰਿਸਟੀਆਨੋ ਰੋਨਾਲਡੋ ਦੀ ਮੌਜੂਦਗੀ ਦੇ ਬਾਵਜੂਦ ਅਲ ਹਿਲਾਲ ਦੇ ਹੱਥੋਂ ਅਲ ਨਸੀਰ ਨੂੰ 3-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸਾਊਦੀ ਅਰਬ ਫੁੱਟਬਾਲ ਪ੍ਰੋ ਲੀਗ ਜਿਸ ਤੋਂ ਬਾਅਦ ਜੇਤੂ ਟੀਮ ਦੇ ਪ੍ਰਸ਼ੰਸਕਾਂ ਨੇ ‘ਮੇਸੀ, ਮੇਸੀ’ ਦੇ ਨਾਅਰੇ ਲਗਾ ਕੇ ਪੁਰਤਗਾਲੀ ਸੁਪਰਸਟਾਰ ਨੂੰ ਤਾਅਨੇ ਮਾਰੇ। ਲਿਓਨੇਲ ਮੇਸੀ ਦਾ ਇਸ ਮੈਚ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਸੀ ਪਰ ਪਿਛਲੇ ਦੋ ਦਹਾਕਿਆਂ ਤੋਂ ਫੁੱਟਬਾਲ ਦੇ ਮੈਦਾਨ ‘ਤੇ ਰੋਨਾਲਡੋ ਅਤੇ ਉਸ ਵਿਚਾਲੇ ਸਖਤ ਟੱਕਰ ਰਹੀ ਹੈ।
ਇਹੀ ਕਾਰਨ ਸੀ ਕਿ ਜਦੋਂ ਪੰਜ ਵਾਰ ਦੇ ਬੈਲਨ ਡੀ ਓਰ ਜੇਤੂ ਰੋਨਾਲਡੋ ਮੈਦਾਨ ਤੋਂ ਬਾਹਰ ਨਿਕਲ ਰਹੇ ਸਨ ਤਾਂ ਅਲ ਹਿਲਾਲ ਦੇ ਪ੍ਰਸ਼ੰਸਕ ਅਰਜਨਟੀਨਾ ਦੇ ਸੁਪਰਸਟਾਰ ਦਾ ਨਾਂ ਲੈ ਕੇ ਉਨ੍ਹਾਂ ਨੂੰ ਚਿੜਾਅ ਰਹੇ ਸਨ। ਇਸ ਮੈਚ ‘ਚ ਰੋਨਾਲਡੋ ਆਪਣੀ ਸਾਖ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਸਕੇ, ਜਦਕਿ ਜੇਤੂ ਟੀਮ ਲਈ ਅਲੈਗਜ਼ੈਂਡਰ ਮਿਤਰੋਵਿਚ ਨੇ ਇਕ ਗੋਲ ਕੀਤਾ ਅਤੇ ਉਸ ਦੇ ਸਰਬੀਆਈ ਸਾਥੀ ਸਰਗੇਜ ਮਿਲਿੰਕੋਵਿਕ ਸੇਵਿਕ ਨੇ ਇਕ ਗੋਲ ਕੀਤਾ।
