ਇੰਨੇ ਦਿਨੀਂ ਰੋਹਿਤ ਸ਼ੈੱਟੀ ਦੀ ਆਉਣ ਵਾਲੀ ਫਿਲਮ ‘ਸਿੰਘਮ ਅਗੇਨ’ ਸੁਰਖੀਆਂ ‘ਚ ਬਣੀ ਹੋਈ ਹੈ। ਸਿੰਘਮ, ਸਿੰਬਾ ਅਤੇ ਸੂਰਿਆਵੰਸ਼ੀ ਵਰਗੀਆਂ ਸੁਪਰਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਰੋਹਿਤ ਸ਼ੈੱਟੀ ਅਗਲੀ ਧਮਾਕੇਦਾਰ ਸਿੰਘਮ ਅਗੇਨ ਲਈ ਸਖਤ ਮਿਹਨਤ ਕਰ ਰਹੇ ਹਨ। ਦੱਸ ਦਈਏ ਕਿ ਇਸ ਫਿਲਮ ‘ਚ ਅਕਸ਼ੈ ਕੁਮਾਰ, ਅਜੇ ਦੇਵਗਨ, ਦੀਪਿਕਾ ਪਾਦੁਕੋਣ, ਟਾਈਗਰ ਸ਼੍ਰੋਫ਼, ਜੈਕੀ ਸ਼੍ਰੋਫ਼, ਅਰਜੁਨ ਕਪੂਰ ਅਤੇ ਕਰੀਨਾ ਕਪੂਰ ਸਮੇਤ ਕਈ ਫਿਲਮੀ ਹਸਤੀਆਂ ਨਜ਼ਰ ਆਉਣਗੀਆ। ਰੋਹਿਤ ਸ਼ੈੱਟੀ ਲਗਾਤਾਰ ਫੈਨਜ਼ ਨਾਲ ਸਿੰਘਮ ਅਗੇਨ ਦੇ ਅਪਡੇਟਸ ਸ਼ੇਅਰ ਕਰ ਰਹੇ ਹਨ। ਹੁਣ ਉਨ੍ਹਾਂ ਨੇ ਫਿਲਮ ‘ਸਿੰਬਾ’ ਯਾਨੀ ਰਣਵੀਰ ਸਿੰਘ ਦਾ ਪਹਿਲਾ ਲੁੱਕ ਰਿਲੀਜ਼ ਕੀਤਾ ਹੈ।
ਸਿੰਘਮ ਅਗੇਨ ਦੇ ਰਣਵੀਰ ਸਿੰਘ ਦੀ ਪਹਿਲੀ ਝਲਕ ਵਿੱਚ, ਉਹ ਪੁਲਿਸ ਦੀ ਵਰਦੀ ਵਿੱਚ ਐਕਸ਼ਨ ਮੋਡ ਵਿੱਚ ਨਜ਼ਰ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਬੈਕਗ੍ਰਾਊਂਡ ‘ਚ ਇਕ ਪਾਸੇ ਉਨ੍ਹਾਂ ਦੀ ਕਾਰ ਅਤੇ ਦੂਜੇ ਪਾਸੇ ਬਜਰੰਗਬਲੀ ਦੀ ਮੂਰਤੀ ਨਜ਼ਰ ਆ ਰਹੀ ਜਿਸ ਨੂੰ ਦੇਖ ਕੇ ਲੋਕਾਂ ਦਾ ਮੰਨਣਾ ਹੈ ਕਿ ‘ਸਿੰਘਮ ਅਗੇਨ’ ਦੀ ਕਹਾਣੀ ਰਾਮਾਇਣ ‘ਤੇ ਆਧਾਰਿਤ ਹੋਵੇਗੀ।
