ਸਾਲ 2023 ਭਾਰਤੀ ਸਿਨੇਮਾ ਲਈ ਬਿਹਤਰੀਨ ਸਾਲ ਸਾਬਿਤ ਹੋ ਰਿਹਾ ਹੈ। ਇਸ ਸਾਲ ਵੱਡੇ ਬਜਟ ਦੀਆਂ ਫ਼ਿਲਮਾਂ ਦੇ ਨਾਲ-ਨਾਲ ਛੋਟੇ ਬਜਟ ਦੀਆਂ ਫ਼ਿਲਮਾਂ ਵੀ ਜ਼ਬਰਦਸਤ ਕਮਾਈ ਕਰ ਰਹੀਆਂ ਹਨ। ਇਸ ਦੀ ਹੀ ਇਕ ਉਦਾਹਰਨ ਹੈ ਫ਼ਿਲਮ ‘ਫੁਕਰੇ 3’। ਪੁਲਕਿਤ ਸਮਰਾਟ, ਵਰੁਣ ਸ਼ਰਮਾ, ਰਿਚਾ ਚੱਢਾ, ਮਨਜੋਤ ਸਿੰਘ ਅਤੇ ਪੰਕਜ ਤ੍ਰਿਪਾਠੀ ਵਰਗੇ ਕਲਾਕਾਰਾਂ ਨੇ ਕਾਮੇਡੀ ਦਾ ਤੜਕਾ ਲਾ ਕੇ ਇਸ ਫ਼ਿਲਮ ਨੂੰ ਅਤੇ ਫ੍ਰੈਂਚਾਈਜ਼ ਨੂੰ ਸ਼ਾਨਦਾਰ ਤਰੀਕੇ ਨਾਲ ਅੱਗੇ ਵਧਾਇਆ ਹੈ।
ਪਹਿਲੇ ਦਿਨ ਹੀ ਫ਼ਿਲਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਦਰਸ਼ਕਾ ਨੇ ਫ਼ਿਲਮ ਨੂੰ ਕਾਫ਼ੀ ਪਸੰਦ ਕੀਤਾ ਹੈ ਅਤੇ ਇਹ ਪ੍ਰਦਰਸ਼ਨ ਹਾਲੇ ਵੀ ਜਾਰੀ ਹੈ। ਰਿਲੀਜ਼ ਹੋਣ ਦੇ ਸਿਰਫ਼ 6 ਦਿਨਾਂ ‘ਚ ਹੀ ਫ਼ਿਲਮ ਨੇ 55.17 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ ਅਤੇ ਇਹ ਕਮਾਈ ਅੱਗੇ ਵੀ ਜਾਰੀ ਰਹਿਣ ਦੀ ਉਮੀਦ ਹੈ। ਜੇਕਰ ਫ਼ਿਲਮ ਦਾ ਕੁਲੈਕਸ਼ਨ ਇਸੇ ਤਰ੍ਹਾਂ ਜਾਰੀ ਰਿਹਾ ਤਾਂ ਇਹ ਜਲਦੀ ਹੀ ‘100 ਕਰੋੜ’ ਕਲੱਬ ‘ਚ ਸ਼ਾਮਲ ਹੋ ਜਾਵੇਗੀ
