ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਬਦਲੇ ਤੋਂ ਨਿਰਾਸ਼ ਪਾਕਿਸਤਾਨ ਹੁਣ ਸਕੂਲਾਂ, ਮੰਦਰਾਂ, ਗੁਰਦੁਆਰਿਆਂ ਅਤੇ ਭਾਰਤ ਦੇ ਆਮ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਪਾਕਿਸਤਾਨ ਨੇ ਰਾਤ ਦੇ ਹਨੇਰੇ ਵਿੱਚ ਕਈ ਹਥਿਆਰਬੰਦ ਡਰੋਨਾਂ ਰਾਹੀਂ ਜੰਮੂ ਦੇ ਇੱਕ ਮਸ਼ਹੂਰ ਮੰਦਰ, ਸ਼ਨੀਵਾਰ ਨੂੰ ਸ਼ੰਭੂ ਮੰਦਰ ਅਤੇ ਰਿਹਾਇਸ਼ੀ ਇਲਾਕਿਆਂ ਨੂੰ ਨਿਸ਼ਾਨਾ ਬਣਾਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਡਰੋਨ ਸ਼ੰਭੂ ਮੰਦਰ ਦੇ ਮੁੱਖ ਗੇਟ ‘ਤੇ ਡਿੱਗਿਆ ਸੀ। ਇਸ ਹਮਲੇ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਜਾਣਕਾਰੀ ਨਹੀਂ ਹੈ।
ਪਾਕਿਸਤਾਨ, ਭਾਰਤ ਤਣਾਅ ਵਿਚਾਲੇ ਪਾਕਿਸਸਤਾਨ ਖੁਦ ਨੂੰ ਹਾਰਦਾ ਦੇਖ ਕੇ, ਫਿਰਕੂ ਤਣਾਅ ਫੈਲਾਉਣ ਦੀ ਸਾਜ਼ਿਸ਼ ਰਚ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਪਿਛਲੇ ਤਿੰਨ ਦਿਨਾਂ ਵਿੱਚ ਲਗਾਤਾਰ ਤਿੰਨ ਭਾਈਚਾਰਿਆਂ ਦੇ ਧਾਰਮਿਕ ਸਥਾਨਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਕੰਟਰੋਲ ਰੇਖਾ (LoC) ਦੇ ਨਾਲ-ਨਾਲ ਭਾਰਤੀ ਖੇਤਰ ਵਿੱਚ ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਨੂੰ ਪਾਕਿਸਤਾਨੀ ਫੌਜਾਂ ਵੱਲੋਂ ਭਾਰੀ ਮੋਰਟਾਰ ਗੋਲੇਬਾਰੀ ਦੀ ਵਰਤੋਂ ਕਰਦੇ ਹੋਏ ਭਾਰਤ ਦੇ ਧਾਰਮਿਕ ਸਥਾਨਾਂ ਨੂੰ ਨਿਸ਼ਾਨਾ ਬਣਾਇਆ। ਵਿਦੇਸ਼ ਸਕੱਤਰ ਵਿਕਰਮ ਮਿਸਰੀ ਨੇ ਨਵੀਂ ਦਿੱਲੀ ਵਿੱਚ ‘ਆਪ੍ਰੇਸ਼ਨ ਸਿੰਦੂਰ’ ‘ਤੇ ਇੱਕ ਵਿਸ਼ੇਸ਼ ਮੀਡੀਆ ਬ੍ਰੀਫਿੰਗ ਦੌਰਾਨ ਕਿਹਾ, “ਪਾਕਿਸਤਾਨ ਗੁਰਦੁਆਰਿਆਂ, ਚਰਚਾਂ ਅਤੇ ਮੰਦਰਾਂ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ।”
ਮੰਦਰ ‘ਤੇ ਵੱਡਾ ਹਮਲਾ
ਨਿਊਜ਼ ਏਜੰਸੀ ਏਐਨਆਈ ਦੇ ਅਨੁਸਾਰ, ਪਾਕਿਸਤਾਨ ਨੇ 10 ਮਈ ਸ਼ਨੀਵਾਰ ਤੜਕੇ ਜੰਮੂ ਵਿੱਚ ਸ਼ੰਭੂ ਮੰਦਰ ਨੇੜੇ ਹਮਲਾ ਕੀਤਾ। ਜੰਮੂ ਪੁਲਸ ਅਤੇ ਸੁਰੱਖਿਆ ਏਜੰਸੀਆਂ ਹਮਲੇ ਦੀ ਜਾਂਚ ਕਰ ਰਹੀਆਂ ਹਨ। ਇੱਕ ਸਥਾਨਕ ਵਿਅਕਤੀ ਦੇ ਅਨੁਸਾਰ, ‘ਲੋਕ ਸਵੇਰੇ ਜਲਦੀ ਸ਼ੰਭੂ ਮੰਦਰ ਵਿੱਚ ਪੂਜਾ ਲਈ ਆਉਂਦੇ ਹਨ, ਪਰ ਸਾਇਰਨ ਵੱਜ ਰਿਹਾ ਸੀ ਇਸ ਲਈ ਇੱਥੇ ਬਹੁਤ ਘੱਟ ਲੋਕ ਸਨ।’
ਗੁਰਦੁਆਰੇ ਨੂੰ ਬਣਾਇਆ ਨਿਸ਼ਾਨਾ
ਇਸ ਤੋਂ ਪਹਲਿਾਂ 9 ਮਈ (ਸ਼ੁੱਕਰਵਾਰ) ਨੂੰ ਭਾਰਤੀ ਵਿਦੇਸ਼ ਸਕੱਤਰ ਵਿਕਰਮ ਮਿਸਰੀ ਦੀ ਅਧਿਕਾਰਤ ਪ੍ਰੈਸ ਬ੍ਰੀਫਿੰਗ ਦੇ ਅਨੁਸਾਰ, ਪਾਕਿਸਤਾਨ ਨੇ ਦਾਅਵਾ ਕੀਤਾ ਸੀ ਕਿ ਭਾਰਤ ਆਪਣੇ ਹੀ ਖੇਤਰ ‘ਤੇ ਹਮਲਾ ਕਰ ਰਿਹਾ ਹੈ। ਹਾਲਾਂਕਿ, ਵਿਦੇਸ਼ ਸਕੱਤਰ ਨੇ ਇਹ ਸਾਫ ਕੀਤਾ ਕਿ ਨਨਕਾਣਾ ਸਾਹਿਬ ਗੁਰਦੁਆਰੇ ‘ਤੇ ਡਰੋਨ ਹਮਲੇ ਬਾਰੇ ਪਾਕਿਸਤਾਨ ਗਲਤ ਜਾਣਕਾਰੀ ਫੈਲਾ ਰਿਹਾ ਹੈ। ਪਾਕਿਸਤਾਨ ਦੀ ਇਸ ਬਾਰੇ ਵਿਦੇਸ਼ ਸਕੱਤਰ ਨੇ ਨਿੰਦਾ ਕੀਤੀ ਅਤੇ ਇਸਨੂੰ ਇੱਕ ਸਰਾਸਰ ਝੂਠ ਕਰਾਰ ਦਿੱਤਾ। ਉਨ੍ਹਾਂ ਕਿਹਾ, “ਆਪਣੀਆਂ ਹਰਕਤਾਂ ਨੂੰ ਸਵੀਕਾਰ ਕਰਨ ਦੀ ਬਜਾਏ, ਪਾਕਿਸਤਾਨ ਨੇ ਇਹ ਬੇਤੁਕਾ ਅਤੇ ਘਟਿਆ ਦਾਅਵਾ ਕੀਤਾ ਹੈ ਕਿ ਭਾਰਤੀ ਹਥਿਆਰਬੰਦ ਸੇਨਾ ਅੰਮ੍ਰਿਤਸਰ ਵਰਗੇ ਆਪਣੇ ਸ਼ਹਿਰਾਂ ਨੂੰ ਨਿਸ਼ਾਨਾ ਬਣਾ ਰਹੀਆਂ ਹਨ ਅਤੇ ਦੋਸ਼ ਪਾਕਿਸਤਾਨ ਉੱਤੇ ਮੜ੍ਹਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਪਾਕਿਸਤਾਨ ਫਿਰਕੂ ਫੁੱਟ ਪੈਦਾ ਕਰਨ ਦੇ ਇਰਾਦੇ ਨਾਲ ਸਥਿਤੀ ਨੂੰ ਫਿਰਕੂ ਬਣਾਉਣ ਦੀ ਸਖ਼ਤ ਕੋਸ਼ਿਸ਼ ਕਰ ਰਿਹਾ ਹੈ।” ਦਸ ਦਇਏ ਕਿ ਪਾਕਿਸਤਾਨ ਨੇ ਝੂਠੀ ਜਾਣਕਾਰੀ ਫੈਲਾਈ ਹੈ ਕਿ ਭਾਰਤ ਨੇ ਡਰੋਨ ਹਮਲੇ ਰਾਹੀਂ ਨਨਕਾਣਾ ਸਾਹਿਬ ਗੁਰਦੁਆਰੇ ਨੂੰ ਨਿਸ਼ਾਨਾ ਬਣਾਇਆ।
#LIVE | पाकिस्तान ने झूठा प्रचार किया कि भारत ने ननकाना साहिब गुरुद्वारे को ड्रोन हमले से निशाना बनाया, जो पूरी तरह बेबुनियाद और भ्रामक है
पाकिस्तान जानबूझकर स्थिति को सांप्रदायिक रंग देने की कोशिश कर रहा है, ताकि समाज में विभाजन और तनाव पैदा किया जा सके: विदेश सचिव विक्रम… pic.twitter.com/FVJDs3qcNI
— डीडी न्यूज़ (@DDNewsHindi) May 9, 2025
ਈਸਾਈ ਸੰਸਥਾਵਾਂ ‘ਤੇ ਹਮਲੇ
9 ਮਈ ਤੋਂ ਵੀ ਪਹਿਲਾਂ ਪਾਕਿਸਤਾਨੀ ਫੌਜ ਨੇ 7 ਮਈ ਦੀ ਸਵੇਰ ਨੂੰ ਪੁੰਛ ਵਿੱਚ ਇੱਕ ਈਸਾਈ ਸਕੂਲ ਅਤੇ ਇੱਕ ਈਸਾਈ ਮਿਸ਼ਨਰੀ ਦੀਆਂ ਇਮਾਰਤਾਂ ਨੂੰ ਵੀ ਨਿਸ਼ਾਨਾ ਬਣਾਇਆ। ਇਸ ਹਮਲੇ ਵਿੱਚ ਦੋ ਵਿਦਿਆਰਥੀਆਂ ਦੀ ਜਾਨ ਚਲੀ ਗਈ ਅਤੇ ਕੁਝ ਲੋਕ ਗੰਭੀਰ ਜ਼ਖਮੀ ਹੋ ਗਏ। ਇਸੇ ਤਰ੍ਹਾਂ, ਨਨਾਂ, ਪੁਜਾਰੀਆਂ ਅਤੇ ਸਕੂਲ ਸਟਾਫ਼ ਦੀ ਰਿਹਾਇਸ਼ ਵਾਲੀ ਇਮਾਰਤ ‘ਤੇ ਇੱਕ ਪਾਕਿਸਤਾਨ ਨੇ ਅਟੈਕ ਕੀਤਾ। ਉਸ ਸਮੇਂ ਸਕੂਲ ਬੰਦ ਸੀ, ਨਹੀਂ ਤਾਂ ਕਈ ਲੋਕ ਜ਼ਖਮੀ ਹੋ ਸਕਦੇ ਸਨ।
ਵਿਦੇਸ਼ ਸਕੱਤਰ ਵਿਕਰਮ ਮਿਸਰੀ ਅਨੁਸਾਰ ਭਾਰਤ ਇਨ੍ਹਾਂ ਦੋਸ਼ਾਂ ਨੂੰ ਨਾ ਸਿਰਫ਼ ਪੂਰੀ ਤਰ੍ਹਾਂ ਰੱਦ ਕਰਦਾ ਹੈ, ਸਗੋਂ ਇਹ ਵੀ ਕਿਹਾ ਹੈ, ‘ਭਾਰਤ ਦੀ ਮਜ਼ਬੂਤ ਧਾਰਮਿਕ ਏਕਤਾ ਪਾਕਿਸਤਾਨ ਲਈ ਹਮੇਸ਼ਾ ਇੱਕ ਵੱਡੀ ਚੁਣੌਤੀ ਰਹੇਗੀ।’
