ਅਮਰੀਕਾ ਰਾਸ਼ਟਰਪਤੀ ਅਤੇ ਜ਼ੇਲੈਂਸਕੀ ਦੀ ਬਹਿਸ ਤੋਂ ਬਾਅਦ ਕਈ ਯੂਰਪੀਅਨ ਦੇਸ਼ ਯੂਕਰੇਨ ਦੇ ਰਾਸ਼ਟਰਪਤੀ ਵਲੋਦੋਮੀਰ ਜ਼ੇਲੈਂਸਕੀ ਨਾਲ ਇਕੱਠੇ ਹੋ ਗਏ ਹਨ। ਬ੍ਰਿਟੇਨ ਅਤੇ ਫਰਾਂਸ ਯੂਕਰੇਨ ਨਾਲ ਜੰਗਬੰਦੀ ਯੋਜਨਾ ‘ਤੇ ਮਿਲ ਕੇ ਕੰਮ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਨ।
ਇਸ ਦੌਰਾਨ, ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਨੇ ਕਿਹਾ ਕਿ ਉਹ ਯੂਕਰੇਨ ਨੂੰ 1.6 ਬਿਲੀਅਨ ਪੌਂਡ (2 ਬਿਲੀਅਨ ਡਾਲਰ) ਦੇ ਫੰਡ ਨਾਲ 5000 ਹਵਾਈ ਰੱਖਿਆ ਮਿਜ਼ਾਈਲਾਂ ਵੀ ਪ੍ਦੇਰਦਾਨ ਕਰੇਗਾ। ਮੀਡੀਆ ਰਿਪੋਰਟਾਂ ਅਨੁਸਾਰ, ਸਟਾਰਮਰ ਨੇ ਐਤਵਾਰ ਨੂੰ ਲੰਡਨ ਵਿੱਚ ਪੱਛਮੀ ਨੇਤਾਵਾਂ ਨਾਲ ਇੱਕ ਸੰਮੇਲਨ ਤੋਂ ਬਾਅਦ ਇੱਕ ਪ੍ਰੈਸ ਕਾਨਫਰੰਸ ਕੀਤੀ ਜਿਸ ਵਿੱਚ ਵਿੱਚ ਕਿਹਾ, “ਇਹ ਨਾਜ਼ੁਕ ਬੁਨਿਆਦੀ ਢਾਂਚੇ ਦੀ ਰੱਖਿਆ ਅਤੇ ਯੂਕਰੇਨ ਨੂੰ ਮਜ਼ਬੂਤ ਕਰਨ ਲਈ ਮਹੱਤਵਪੂਰਨ ਹੋਵੇਗਾ।”
ਸਟਾਰਮਰ ਨੇ ਕਿਹਾ ਕਿ ਸਿਖਰ ਸੰਮੇਲਨ ਵਿਚ ਨੇਤਾਵਾਂ ਨੇ ਯੂਕਰੇਨ ਵਿਚ ਸ਼ਾਂਤੀ ਦੀ ਗਰੰਟੀ ਲਈ ਚਾਰ-ਪੜਾਵੀ ਯੋਜਨਾ ‘ਤੇ ਸਹਿਮਤੀ ਜਤਾਈ ਸੀ। ਯੂਕਰੇਨ ਨੂੰ ਫ਼ੌਜੀ ਸਹਾਇਤਾ ਜਾਰੀ ਰੱਖਣਾ ਅਤੇ ਰੂਸ ਉੱਤੇ ਆਰਥਿਕ ਦਬਾਅ ਵਧਾਉਣਾ ਜਦੋਂ ਤੱਕ ਸੰਘਰਸ਼ ਜਾਰੀ ਹੈ; ਇਹ ਯਕੀਨੀ ਬਣਾਉਣਾ ਕਿ ਕੋਈ ਵੀ ਸਥਾਈ ਸ਼ਾਂਤੀ ਯੂਕਰੇਨ ਦੀ ਪ੍ਰਭੂਸੱਤਾ ਅਤੇ ਸੁਰੱਖਿਆ ਦੀ ਗਾਰੰਟੀ ਦਿੰਦੀ ਹੈ, ਕਿਸੇ ਵੀ ਗੱਲਬਾਤ ਵਿੱਚ ਯੂਕਰੇਨ ਨੂੰ ਸ਼ਾਮਲ ਕਰਕੇ; ਸ਼ਾਂਤੀ ਸਮਝੌਤੇ ਦੀ ਸਥਿਤੀ ਵਿੱਚ “ਰੂਸ ਦੁਆਰਾ ਭਵਿੱਖ ਵਿੱਚ ਕਿਸੇ ਵੀ ਹਮਲੇ” ਨੂੰ ਰੋਕਣਾ; ਅਤੇ ਯੂਕਰੇਨ ਦੀ ਰੱਖਿਆ ਅਤੇ ਦੇਸ਼ ਵਿੱਚ ਸ਼ਾਂਤੀ ਬਣਾਈ ਰੱਖਣ ਲਈ “ਇੱਛੁਕਾਂ ਦਾ ਗੱਠਜੋੜ” ਸਥਾਪਤ ਕਰਨਾ ਹੈ।
