Bollywood News: ਖਾਰ ਦੇ ਪੌਸ਼ ਇਲਾਕੇ ‘ਚ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਪੂਨਮ ਢਿੱਲੋਂ ਦੇ ਘਰ ਚੋਰੀ ਹੋਣ ਦੀ ਘਟਨਾ ਸਾਹਮਣੇ ਆਈ ਹੈ, ਜਿਸ ‘ਚ ਮਹਿੰਗੀਆਂ ਚੀਜ਼ਾਂ ਅਤੇ ਨਕਦੀ ਵੀ ਚੋਰੀ ਹੋ ਗਈ ਹੈ। ਇਸ ਫਲੈਟ ਵਿੱਚ ਉਨ੍ਹਾਂ ਦਾ ਬੇਟਾ ਅਨਮੋਲ ਰਹਿੰਦਾ ਹੈ। ਪੂਨਮ ਕਦੇ-ਕਦੇ ਉਸ ਫਲੈਟ ਵਿੱਚ ਰਹਿਣ ਲਈ ਆਉਂਦੀ ਰਹਿੰਦੀ ਹਨ। ਪੁਲਿਸ ਨੇ ਚੋਰ ਨੂੰ ਕਾਬੂ ਕਰ ਲਿਆ ਹੈ।
ਪੁਲਿਸ ਅਨੁਸਾਰ ਪੂਨਮ ਢਿੱਲੋਂ ਦੇ ਫਲੈਟ ਵਿੱਚੋਂ ਹੀਰਿਆਂ ਦਾ ਹਾਰ, 35 ਹਜ਼ਾਰ ਰੁਪਏ ਨਕਦ ਅਤੇ ਕੁਝ ਅਮਰੀਕੀ ਡਾਲਰ ਵੀ ਚੋਰੀ ਹੋ ਗਏ ਹਨ। ਪੂਨਮ ਦੇ ਘਰ 28 ਦਸੰਬਰ ਤੋਂ 5 ਜਨਵਰੀ ਤੱਕ ਪੇਂਟਿੰਗ ਦਾ ਕੰਮ ਚੱਲ ਰਿਹਾ ਸੀ। ਚੋਰਾਂ ਨੇ ਇਸਦਾ ਫਾਇਦਾ ਉਠਾਉਂਦੇ ਹੋਏ ਘਰ ਦੀਆਂ ਅਲਮਾਰੀਆਂ ਖੁੱਲ੍ਹੀਆਂ ਦੇਖ ਕੇ ਸਾਮਾਨ ਚੋਰੀ ਕਰ ਲਿਆ।
ਪੂਨਮ ਜ਼ਿਆਦਾਤਰ ਜੁਹੂ ‘ਚ ਰਹਿੰਦੀ ਹੈ। ਕਦੇ-ਕਦੇ ਉਹ ਆਪਣੇ ਬੇਟੇ ਨਾਲ ਖਾਰ ਆਉਂਦੀ ਹੈ। ਚੋਰ ਚੋਰੀ ਕੀਤੀ ਨਕਦੀ ਵਿੱਚੋਂ ਵੀ ਕੁਝ ਖਰਚ ਕਰ ਚੁੱਕਾ ਹੈ। ਜਦੋਂ ਪੂਨਮ ਦਾ ਬੇਟਾ ਦੁਬਈ ਤੋਂ ਘਰ ਆਇਆ ਤਾਂ ਉਸਨੇ ਕਈ ਸਾਮਾਨ ਗਾਇਬ ਦੇਖਿਆ। ਅਨਮੋਲ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ ਅਤੇ ਇਸ ਤੋਂ ਬਾਅਦ ਪੁਲਿਸ ਨੇ ਅੰਸਾਰੀ ਨਾਮ ਦੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕਰ ਲਿਆ।
ਹਿੰਦੂਸਥਾਨ ਸਮਾਚਾਰ
