IND vs AUS 5th Test Match: ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਬਾਰਡਰ-ਗਾਵਸਕਰ ਟਰਾਫੀ ਮੈਚ ਅੱਜ ਆਸਟ੍ਰੇਲੀਆ ਵਿੱਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਟੀਮ ਇੰਡੀਆ ਨੇ ਉਮੀਦਾਂ ਤੋਂ ਜ਼ਿਆਦਾ ਖਰਾਬ ਪ੍ਰਦਰਸ਼ਨ ਕੀਤਾ ਹੈ। ਭਾਰਤੀ ਪਾਰੀ ਸਿਰਫ਼ 185 ਦੌੜਾਂ ‘ਤੇ ਹੀ ਸਿਮਟ ਗਈ। ਆਸਟ੍ਰੇਲੀਆ ਲਈ ਸਕਾਟ ਬੋਲੈਂਡ ਨੇ ਸਭ ਤੋਂ ਵੱਧ 4 ਵਿਕਟਾਂ ਲਈਆਂ। ਇਸ ਵਾਰ ਭਾਰਤੀ ਟੀਮ ‘ਚ ਵੱਡਾ ਬਦਲਾਅ ਕਰਦੇ ਹੋਏ ਜਸਪ੍ਰੀਤ ਬੁਮਰਾਹ ਨੂੰ ਕਪਤਾਨ ਬਣਾਇਆ ਗਿਆ ਹੈ। ਰੋਹਿਤ ਸ਼ਰਮਾ ਨੇ ਮੈਚ ਤੋਂ ਬਾਹਰ ਰਹਿਣ ਦਾ ਫੈਸਲਾ ਕੀਤਾ ਹੈ। ਹੁਣ ਬੁਮਰਾਹ ਅਤੇ ਭਾਰਤੀ ਗੇਂਦਬਾਜ਼ਾਂ ਦੀ ਗੇਂਦਬਾਜ਼ੀ ਤੋਂ ਹੀ ਕੁਝ ਉਮੀਦਾਂ ਬਚੀਆਂ ਹਨ।
ਕੇਐਲ ਰਾਹੁਲ – 4
ਯਸ਼ਸਵੀ ਜੈਸਵਾਲ – 10
ਸ਼ੁਭਮਨ ਗਿੱਲ – 20
ਵਿਰਾਟ ਕੋਹਲੀ – 17
ਰਿਸ਼ਭ ਪੰਤ – 40
ਨਿਤੀਸ਼ ਰੈਡੀ – 00
ਰਵਿੰਦਰ ਜਡੇਜਾ – 26
ਵਾਸ਼ਿੰਗਟਨ ਸੁੰਦਰ – 14
ਪ੍ਰਸਿਧ ਕ੍ਰਿਸ਼ਨ – 03
ਇਸ ਮੈਚ ‘ਚ ਰੋਹਿਤ ਸ਼ਰਮਾ ਦੀ ਜਗ੍ਹਾ ਕਪਤਾਨੀ ਕਰ ਰਹੇ ਜਸਪ੍ਰੀਤ ਬੁਮਰਾਹ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤੀ ਟੀਮ ਦੀ ਸ਼ੁਰੂਆਤ ਖ਼ਰਾਬ ਰਹੀ ਅਤੇ 8ਵੇਂ ਓਵਰ ਤੱਕ ਦੋਵੇਂ ਸਲਾਮੀ ਬੱਲੇਬਾਜ਼ ਕੇਐਲ ਰਾਹੁਲ (04) ਅਤੇ ਯਸ਼ਸਵੀ ਜੈਸਵਾਲ (10) ਪੈਵੇਲੀਅਨ ਪਰਤ ਗਏ। ਰੋਹੁਲ ਨੂੰ ਮਿਸ਼ੇਲ ਸਟਾਰਕ ਨੇ ਪਵੇਲੀਅਨ ਭੇਜਿਆ ਅਤੇ ਯਸ਼ਸਵੀ ਨੂੰ ਸਟਾਕ ਬਾਉਲੈਂਡ ਨੇ ਪਵੇਲੀਅਨ ਭੇਜਿਆ। ਇਸ ਤੋਂ ਬਾਅਦ ਵਿਰਾਟ ਕੋਹਲੀ ਅਤੇ ਸ਼ੁਭਮਨ ਗਿੱਲ ਨੇ ਭਾਰਤ ਦੇ ਸਕੋਰ ਨੂੰ 50 ਤੋਂ ਪਾਰ ਪਹੁੰਚਾਇਆ, ਹਾਲਾਂਕਿ 57 ਦੇ ਕੁੱਲ ਸਕੋਰ ‘ਤੇ ਗਿੱਲ 20 ਦੌੜਾਂ ਬਣਾ ਕੇ ਨਾਥਨ ਲਿਓਨ ਦਾ ਸ਼ਿਕਾਰ ਬਣੇ।
ਵਿਰਾਟ ਕੋਹਲੀ ਇਕ ਵਾਰ ਫਿਰ ਬੱਲੇ ਨਾਲ ਅਸਫਲ ਰਹੇ ਅਤੇ 72 ਦੇ ਕੁੱਲ ਸਕੋਰ ‘ਤੇ ਸਿਰਫ 17 ਦੌੜਾਂ ਬਣਾ ਕੇ ਬੋਲੈਂਡ ਦਾ ਦੂਜਾ ਸ਼ਿਕਾਰ ਬਣੇ।
ਇੱਥੋਂ ਪੰਤ ਅਤੇ ਜਡੇਜਾ ਨੇ 44 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਅਤੇ ਭਾਰਤ ਦੇ ਸਕੋਰ ਨੂੰ 120 ਦੌੜਾਂ ਤੱਕ ਪਹੁੰਚਾਇਆ। ਇਸ ਸਕੋਰ ‘ਤੇ ਬੋਲੰਦ ਨੇ ਪੰਤ ਨੂੰ ਆਪਣਾ ਤੀਜਾ ਸ਼ਿਕਾਰ ਬਣਾਇਆ। ਪੰਤ ਨੇ 40 ਦੌੜਾਂ ਬਣਾਈਆਂ। ਇਸੇ ਓਵਰ ਦੀ ਅਗਲੀ ਗੇਂਦ ‘ਤੇ ਬੋਲੈਂਡ ਨੇ ਨਿਤੀਸ਼ ਰੈੱਡੀ (0) ਨੂੰ ਵੀ ਪੈਵੇਲੀਅਨ ਭੇਜ ਦਿੱਤਾ ਅਤੇ ਮੈਚ ‘ਚ ਆਪਣੀ ਚੌਥੀ ਵਿਕਟ ਲਈ। ਸਾਵਧਾਨੀ ਨਾਲ ਖੇਡ ਰਿਹਾ ਜਡੇਜਾ ਵੀ 134 ਦੇ ਕੁੱਲ ਸਕੋਰ ‘ਤੇ 26 ਦੌੜਾਂ ਬਣਾ ਕੇ ਮਿਸ਼ੇਲ ਸਟਾਰਕ ਦੀ ਗੇਂਦ ‘ਤੇ ਐੱਲ.ਬੀ.ਡਬਲਿਊ. 148 ਦੇ ਸਕੋਰ ‘ਤੇ ਵਾਸ਼ਿੰਗਟਨ ਸੁੰਦਰ 14 ਦੌੜਾਂ ਬਣਾ ਕੇ ਕਮਿੰਸ ਦਾ ਸ਼ਿਕਾਰ ਬਣੇ। ਵੱਡਾ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਕਰਦੇ ਹੋਏ ਪ੍ਰਸਿਧ ਕ੍ਰਿਸ਼ਨਾ (03) ਸਟੌਰਕ ਦੀ ਗੇਂਦ ‘ਤੇ ਸੈਮ ਕੋਂਸਟਾਸ ਦੇ ਹੱਥੋਂ ਕੈਚ ਹੋ ਗਏ।
ਅੰਤ ਵਿੱਚ ਜਸਪ੍ਰੀਤ ਬੁਮਰਾਹ ਨੇ ਕੁਝ ਚੰਗੇ ਸ਼ਾਟ ਖੇਡੇ ਅਤੇ ਟੀਮ ਦੇ ਸਕੋਰ ਨੂੰ 185 ਤੱਕ ਪਹੁੰਚਾਇਆ। ਇਸ ਸਕੋਰ ‘ਤੇ ਪੈਟ ਕਮਿੰਸ ਨੇ ਬੁਮਰਾਹ ਨੂੰ ਆਊਟ ਕਰਕੇ ਭਾਰਤੀ ਪਾਰੀ ਦਾ ਅੰਤ ਕੀਤਾ। ਬੁਮਰਾਹ ਨੇ 22 ਦੌੜਾਂ ਬਣਾਈਆਂ। ਮੁਹੰਮਦ ਸਿਰਾਜ 3 ਦੌੜਾਂ ਬਣਾ ਕੇ ਅਜੇਤੂ ਰਹੇ।
ਆਸਟ੍ਰੇਲੀਆ ਲਈ ਸਟਾਕ ਬੋਲੈਂਡ ਨੇ 4 ਵਿਕਟਾਂ, ਮਿਸ਼ੇਲ ਸਟਾਰਕ ਨੇ 3 ਵਿਕਟਾਂ, ਪੈਚ ਕਮਿੰਸ ਨੇ 2 ਅਤੇ ਨਾਥਨ ਲਿਓਨ ਨੇ 1 ਵਿਕਟ ਲਈ।
