ਇੰਦੌਰ, 03 ਜਨਵਰੀ (ਹਿੰ.ਸ.)। ਰਾਸ਼ਟਰੀ ਸਵੈਮ ਸੇਵਕ ਸੰਘ ਦੇ ਸ਼ਤਾਬਦੀ ਵਰ੍ਹੇ ਦੇ ਸੰਦਰਭ ’ਚ ਅੱਜ ਵਿਸ਼ੇਸ਼ ਘੋਸ਼ ਵਾਦਨ ਪ੍ਰੋਗਰਾਮ ਇੰਦੌਰ ਦੇ ਦੁਸਹਿਰਾ ਮੈਦਾਨ ਵਿੱਚ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਮਾਲਵਾ ਪ੍ਰਾਂਤ ਵਿੱਚ ਪਹਿਲੀ ਵਾਰ ਹੋ ਰਹੇ ਇਸ ਪ੍ਰੋਗਰਾਮ ਵਿੱਚ ਸਰਸੰਘਚਾਲਕ ਡਾ. ਮੋਹਨ ਭਾਗਵਤ ਸ਼ਿਰਕਤ ਕਰਨਗੇ। ਪ੍ਰੋਗਰਾਮ ਵਿੱਚ ਇੱਕ ਹਜ਼ਾਰ ਤੋਂ ਵੱਧ ਸਵੈਮਸੇਵਕ ਵਾਦਨ ਦੀ ਪੇਸ਼ਕਾਰੀ ਕਰਨਗੇ।ਸੰਘ ਦਫ਼ਤਰ ਅਨੁਸਾਰ ਦੁਸਹਿਰਾ ਗਰਾਊਂਡ ਵਿੱਚ ਹੋਣ ਵਾਲੇ ਘੋਸ਼ ਵਾਦਨ ਪ੍ਰੋਗਰਾਮ ਲਈ ਸਰਸੰਘਚਾਲਕ ਡਾ. ਮੋਹਨ ਭਾਗਵਤ ਦੁਪਹਿਰ 3:30 ਵਜੇ ਪਹੁੰਚਣਗੇ। ਦੁਪਹਿਰ 2 ਵਜੇ ਤੋਂ ਸੱਦੇ ਗਏ ਸਵੈਮਸੇਵਕ ਸਮਾਗਮ ਵਾਲੀ ਥਾਂ ‘ਤੇ ਪਹੁੰਚਣਾ ਸ਼ੁਰੂ ਕਰ ਦੇਣਗੇ। ਸਰਸੰਘਚਾਲਕ ਦੇ ਆਉਣ ਤੋਂ ਬਾਅਦ ਹੀ ਘੋਸ਼ ਵਾਦਨ ਦੀ ਸ਼ੁਰੂਆਤ ਹੋਵੇਗੀ। ਇਸ ਦੌਰਾਨ ਇੱਕ ਹਜ਼ਾਰ ਚੁਣੇ ਹੋਏ ਸਵੈਮਸਵੇਕ ਘੋਸ਼ ਵਾਦਨ ਕਰਨਗੇ। ਇਸ ਤੋਂ ਬਾਅਦ ਸਰਸੰਘਚਾਲਕ ਆਪਣੇ ਵਿਚਾਰ ਪੇਸ਼ ਕਰਨਗੇ। ਪਹਿਲੀ ਵਾਰ ਪਰਿਵਾਰਾਂ ਸਮੇਤ ਪੁੱਜਣ ਵਾਲੇ ਸਵੈਮਸੇਵਕਾਂ ਲਈ ਬੈਠਣ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ ਹੈ। ਗਰਾਊਂਡ ਦੇ ਨੇੜੇ ਪਾਰਕਿੰਗ ਦੇ ਪ੍ਰਬੰਧ ਕੀਤੇ ਗਏ ਹਨ। ਪ੍ਰੋਗਰਾਮ ਵਿੱਚ ਪੰਦਰਾਂ ਹਜ਼ਾਰ ਲੋਕ ਹਿੱਸਾ ਲੈਣਗੇ। ਇਸ ਵਿੱਚ ਸੰਘ ਦੇ ਸਵੈਮਸੇਵਕਾਂ ਦੇ ਪਰਿਵਾਰਾਂ ਤੋਂ ਇਲਾਵਾ ਸ਼ਹਿਰ ਦੇ ਪਤਵੰਤੇ, ਖਿਡਾਰੀ, ਥੀਏਟਰ ਕਲਾਕਾਰ, ਵਪਾਰੀ ਅਤੇ ਹੋਰ ਲੋਕਾਂ ਨੂੰ ਸੱਦਾ ਦਿੱਤਾ ਗਿਆ ਹੈ।
ਹਿੰਦੂਸਥਾਨ ਸਮਾਚਾਰ
