New Delhi: ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐਨਸੀਪੀ-ਅਜੀਤ ਪਵਾਰ ਗੁੱਟ) ਨੇ ਸ਼ਨੀਵਾਰ ਨੂੰ ਦਿੱਲੀ ਵਿਧਾਨ ਸਭਾ ਚੋਣਾਂ-2025 ਲਈ 11 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕੀਤੀ।
ਪਾਰਟੀ ਦੇ ਕੌਮੀ ਜਨਰਲ ਸਕੱਤਰ ਬ੍ਰਿਜਮੋਹਨ ਸ੍ਰੀਵਾਸਤਵ ਨੇ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸੰਸਦੀ ਬੋਰਡ ਦੀ ਮਨਜ਼ੂਰੀ ਤੋਂ ਬਾਅਦ ਦਿੱਲੀ ਵਿਧਾਨ ਸਭਾ ਚੋਣਾਂ ਲਈ 11 ਉਮੀਦਵਾਰਾਂ ਦਾ ਐਲਾਨ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਪਾਰਟੀ ਦਾ ਮੰਨਣਾ ਹੈ ਕਿ ਚੋਣਾਂ ਵਿੱਚ ਸਾਡੇ ਉਮੀਦਵਾਰ ਉੱਚਤਮ ਕਦਰਾਂ-ਕੀਮਤਾਂ ਦੀ ਪ੍ਰਤੀਨਿਧਤਾ ਕਰਨਗੇ ਅਤੇ ਦਿੱਲੀ ਦੇ ਵਿਕਾਸ ਅਤੇ ਖੁਸ਼ਹਾਲੀ ਲਈ ਵਚਨਬੱਧ ਰਹਿਣਗੇ।
ਪਾਰਟੀ ਨੇ ਬੁਰਾੜੀ ਵਿਧਾਨ ਸਭਾ ਤੋਂ ਰਤਨ ਤਿਆਗੀ, ਬਾਦਲੀ ਤੋਂ ਮੁਲਾਇਮ ਸਿੰਘ, ਮੰਗੋਲ ਪੁਰੀ ਤੋਂ ਖੇਮ ਚੰਦ, ਚਾਂਦਨੀ ਚੌਕ ਤੋਂ ਖਾਲਿਦ ਉਰ ਰਹਿਮਾਨ, ਬਲੀ ਮਾਰਨ ਤੋਂ ਮੁਹੰਮਦ ਹਾਰੂਨ, ਛੱਤਰਪੁਰ ਤੋਂ ਨਰਿੰਦਰ ਤੰਵਰ, ਸੰਗਮ ਵਿਹਾਰ ਤੋਂ ਕਮਰ ਅਹਿਮਦ, ਓਖਲਾ ਤੋਂ ਇਮਰਾਨ ਸੈਫੀ, ਲਕਸ਼ਮੀ ਨਗਰ ਤੋਂ ਨਮਹਾ, ਸੀਮਾ ਪੁਰੀ ਤੋਂ ਰਾਜੇਸ਼ ਲੋਹੀਆ ਅਤੇ ਗੋਕਲ ਪੁਰੀ ਤੋਂ ਜਗਦੀਸ਼ ਭਗਤ ਨੂੰ ਟਿਕਟ ਦਿੱਤੀ ਹੈ।ਜ਼ਿਕਰਯੋਗ ਹੈ ਕਿ ਦਿੱਲੀ ਵਿਧਾਨ ਸਭਾ ਚੋਣਾਂ ਅਗਲੇ ਸਾਲ ਫਰਵਰੀ ‘ਚ ਹੋਣੀਆਂ ਹਨ। ਸੱਤਾਧਾਰੀ ਆਮ ਆਦਮੀ ਪਾਰਟੀ (ਆਪ) ਨੇ ਸਾਰੀਆਂ 70 ਸੀਟਾਂ ਲਈ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕਰ ਦਿੱਤਾ ਹੈ ਜਦਕਿ ਕਾਂਗਰਸ ਨੇ ਹੁਣ ਤੱਕ 47 ਸੀਟਾਂ ਲਈ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਹੈ।
ਹਿੰਦੂਸਥਾਨ ਸਮਾਚਾਰ
