New Delhi: ਦੇਸ਼ ਅਤੇ ਦੁਨੀਆ ਦੇ ਇਤਿਹਾਸ ਵਿੱਚ 24 ਦਸੰਬਰ ਦਾ ਦਿਨ ਕਈ ਮਹੱਤਵਪੂਰਨ ਕਾਰਨਾਂ ਕਰਕੇ ਦਰਜ ਹੈ। ਦਿੱਲੀ ਵਿੱਚ ਜਦੋਂ ਵੀ ਇਸ ਤਰੀਕ ਦਾ ਜ਼ਿਕਰ ਹੋਵੇਗਾ ਤਾਂ ਦਿੱਲੀ ਮੈਟਰੋ ਦਾ ਨਾਮ ਜ਼ਰੂਰ ਆਵੇਗਾ। ਇਸ ਤਾਰੀਖ ਨੂੰ 2002 ਵਿੱਚ, ਦਿੱਲੀ ਮੈਟਰੋ ਦੀ ਰੈੱਡ ਲਾਈਨ ਸ਼ੁਰੂ ਹੋਈ ਸੀ। ਇਸ ‘ਤੇ ਸ਼ਾਹਦਰਾ ਅਤੇ ਤੀਸ ਹਜ਼ਾਰੀ ਵਿਚਕਾਰ ਪਹਿਲੀ ਮੈਟਰੋ ਚਲਾਈ ਗਈ। ਉਦੋਂ ਇਹ ਟਰੈਕ 8.4 ਕਿਲੋਮੀਟਰ ਲੰਬਾ ਸੀ। ਦਿੱਲੀ ਮੈਟਰੋ ਦੀ ਅਧਿਕਾਰਤ ਵੈੱਬਸਾਈਟ ਦੇ ਅਨੁਸਾਰ, ਵਰਤਮਾਨ ਵਿੱਚ ਦਿੱਲੀ ਮੈਟਰੋ ਨੈਟਵਰਕ 288 ਸਟੇਸ਼ਨਾਂ ਦੇ ਨਾਲ ਲਗਭਗ 392.44 ਕਿਲੋਮੀਟਰ ਦਾ ਹੈ।
ਅੱਜ ਦਿੱਲੀ ਮੈਟਰੋ ਨੂੰ ਦਿੱਲੀ-ਐਨਸੀਆਰ ਦੀ ਲਾਈਫ ਲਾਈਨ ਕਿਹਾ ਜਾਂਦਾ ਹੈ। ਹਰ ਰੋਜ਼ ਲੱਖਾਂ ਯਾਤਰੀ ਸਫ਼ਰ ਕਰਦੇ ਹਨ। ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ ਲਿਮਿਟੇਡ (ਡੀਐਮਆਰਸੀ) ਨੂੰ 3 ਮਈ, 1995 ਨੂੰ ਰਜਿਸਟਰ ਕੀਤਾ ਗਿਆ ਸੀ। ਡੀਐਮਆਰਸੀ ਨੇ 24 ਦਸੰਬਰ 2002 ਨੂੰ ਸ਼ਾਹਦਰਾ ਅਤੇ ਤੀਸ ਹਜ਼ਾਰੀ ਕੋਰਟ ਦੇ ਵਿਚਕਾਰ ਮੈਟਰੋ ਟਰੇਨ ਦਾ ਸੰਚਾਲਨ ਸ਼ੁਰੂ ਕਰਕੇ ਇੱਕ ਨਵੀਂ ਸ਼ੁਰੂਆਤ ਕੀਤੀ। ਅੱਜ ਇਹ ਨੈੱਟਵਰਕ ਦਿੱਲੀ ਦੀਆਂ ਹੱਦਾਂ ਪਾਰ ਕਰਕੇ ਉੱਤਰ ਪ੍ਰਦੇਸ਼ ਦੇ ਨੋਇਡਾ ਅਤੇ ਗਾਜ਼ੀਆਬਾਦ, ਹਰਿਆਣਾ ਦੇ ਗੁਰੂਗ੍ਰਾਮ, ਫਰੀਦਾਬਾਦ, ਬਹਾਦਰਗੜ੍ਹ ਅਤੇ ਬੱਲਭਗੜ੍ਹ ਤੱਕ ਪਹੁੰਚ ਗਿਆ ਹੈ। ਮਜਲਿਸ ਪਾਰਕ ਤੋਂ ਸ਼ਿਵ ਵਿਹਾਰ ਅਤੇ ਜਨਕਪੁਰੀ ਵੈਸਟ-ਬੋਟੈਨੀਕਲ ਗਾਰਡਨ ਸੈਕਸ਼ਨਾਂ ਨੂੰ ਖੋਲ੍ਹਣ ਦੇ ਨਾਲ ਅਣ-ਅਟੈਂਡਡ ਟ੍ਰੇਨ ਆਪ੍ਰੇਸ਼ਨ (ਯੂਟੀਓ) ਤਕਨੀਕ ਨਾਲ ਲੈਸ ਨਵੇਂ ਜ਼ਮਾਨੇ ਦੀਆਂ ਟ੍ਰੇਨਾਂ ਸ਼ੁਰੂ ਕੀਤੀਆਂ ਗਈਆਂ ਹਨ।
ਹਿੰਦੂਸਥਾਨ ਸਮਾਚਾਰ
