New Delhi: ਭਾਰਤੀ ਮਹਿਲਾ ਫੁੱਟਬਾਲ ਟੀਮ ਦੋ ਫੀਫਾ ਅੰਤਰਰਾਸ਼ਟਰੀ ਦੋਸਤਾਨਾ ਮੈਚਾਂ ਲਈ ਮਾਲਦੀਵ ਦੀ ਮੇਜ਼ਬਾਨੀ ਕਰੇਗੀ। ਆਲ ਇੰਡੀਆ ਫੁਟਬਾਲ ਫੈਡਰੇਸ਼ਨ (ਏਆਈਐਫਐਫ) ਨੇ ਸ਼ੁੱਕਰਵਾਰ ਨੂੰ ਉਪਰੋਕਤ ਐਲਾਨ ਕੀਤਾ।
ਭਾਰਤ ਦਾ ਸਾਹਮਣਾ 30 ਦਸੰਬਰ ਅਤੇ 2 ਜਨਵਰੀ ਨੂੰ ਬੈਂਗਲੁਰੂ ਦੇ ਪਾਦੁਕੋਣ-ਦ੍ਰਾਵਿੜ ਸੈਂਟਰ ਫਾਰ ਸਪੋਰਟਸ ਐਕਸੀਲੈਂਸ ‘ਚ ਮਾਲਦੀਵ ਨਾਲ ਹੋਵੇਗਾ। ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 3:30 ਵਜੇ ਸ਼ੁਰੂ ਹੋਣਗੇ।
13 ਦਸੰਬਰ ਨੂੰ ਜਾਰੀ ਤਾਜ਼ਾ ਫੀਫਾ ਰੈਂਕਿੰਗ ਦੇ ਅਨੁਸਾਰ, ਭਾਰਤ 69ਵੇਂ ਸਥਾਨ ‘ਤੇ ਹੈ, ਜਦਕਿ ਮਾਲਦੀਵ 163ਵੇਂ ਸਥਾਨ ‘ਤੇ ਹੈ। ਬਲੂ ਟਾਈਗ੍ਰੇਸ ਆਖਰੀ ਵਾਰ ਅਕਤੂਬਰ ਵਿੱਚ ਸੈਫ ਮਹਿਲਾ ਚੈਂਪੀਅਨਸ਼ਿਪ ਵਿੱਚ ਖੇਡੀਆਂ ਸਨ, ਜਿੱਥੇ ਉਹ ਸੈਮੀਫਾਈਨਲ ਵਿੱਚ ਨੇਪਾਲ ਤੋਂ ਹਾਰ ਗਈਆਂ ਸਨ।
ਹਿੰਦੂਸਥਾਨ ਸਮਾਚਾਰ
