Jaipur News:  ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਦੇ ਭਾਂਕਰੋਟਾ ਥਾਣਾ ਖੇਤਰ ਵਿੱਚ ਕੱਲ੍ਹ ਸਵੇਰੇ ਹੋਏ ਐਲਪੀਜੀ ਟੈਂਕਰ ਧਮਾਕੇ ਵਿੱਚ ਝੁਲਸੇ ਦੋ ਹੋਰ ਲੋਕਾਂ ਦੀ ਅੱਜ ਸਵੇਰੇ ਮੌਤ ਹੋ ਗਈ। ਹੁਣ ਇਸ ਹਾਦਸੇ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ 14 ਹੋ ਗਈ ਹੈ।ਅਧਿਕਾਰੀਆਂ ਮੁਤਾਬਕ 31 ਝੁਲਸੇ ਹੋਏ ਲੋਕ ਅਜੇ ਵੀ ਹਸਪਤਾਲ ‘ਚ ਦਾਖਲ ਹਨ। ਇਸ ਹਾਦਸੇ ਵਿੱਚ 25 ਲੋਕ 75 ਫੀਸਦੀ ਝੁਲਸ ਗਏ ਹਨ। ਸਵਾਈ ਮਾਨਸਿੰਘ ਹਸਪਤਾਲ ਪਹੁੰਚੀਆਂ ਕਈ ਲਾਸ਼ਾਂ ਦੀ ਅਜੇ ਤੱਕ ਪਛਾਣ ਨਹੀਂ ਹੋ ਸਕੀ ਹੈ। ਇੱਕ ਲਾਸ਼ ਦਾ ਤਾਂ ਸਿਰਫ਼ ਧੜ ਹੀ ਲਿਆਂਦਾ ਗਿਆ ਸੀ। ਇੱਕ ਲਾਸ਼ ਪੋਟਲੀ ਵਿੱਚ ਹਸਪਤਾਲ ਪਹੁੰਚੀ।ਪੁਲਿਸ ਕਮਿਸ਼ਨਰ ਬੀਜੂ ਜਾਰਜ ਜੋਸਫ਼ ਦੀਆਂ ਹਦਾਇਤਾਂ ’ਤੇ ਜਾਂਚ ਲਈ ਵਧੀਕ ਡਿਪਟੀ ਕਮਿਸ਼ਨਰ ਪੁਲਿਸ ਪੱਛਮੀ ਦੀ ਅਗਵਾਈ ਵਿੱਚ ਐਸਆਈਟੀ ਦਾ ਗਠਨ ਕੀਤਾ ਗਿਆ ਹੈ। ਭੰਕਰੋਟਾ ਥਾਣੇ ਦੇ ਅਧਿਕਾਰੀ ਮਨੀਸ਼ ਗੁਪਤਾ ਨੇ ਇਸ ਮਾਮਲੇ ਵਿੱਚ ਐਫਆਈਆਰ ਦਰਜ ਕੀਤੀ ਹੈ। ਸਿੰਧੀ ਕੈਂਪ ਥਾਣੇ ਦੇ ਅਧਿਕਾਰੀ ਇਸ ਦੀ ਜਾਂਚ ਕਰਨਗੇ।ਜ਼ਿਕਰਯੋਗ ਹੈ ਕਿ ਸ਼ੁੱਕਰਵਾਰ ਸਵੇਰੇ ਭਾਰਤ ਪੈਟਰੋਲੀਅਮ ਦਾ ਟੈਂਕਰ ਅਜਮੇਰ ਤੋਂ ਜੈਪੁਰ ਵੱਲ ਆ ਰਿਹਾ ਸੀ। ਸਵੇਰੇ ਕਰੀਬ 5:44 ਵਜੇ ਟੈਂਕਰ ਨੇ ਦਿੱਲੀ ਪਬਲਿਕ ਸਕੂਲ ਦੇ ਸਾਹਮਣੇ ਯੂ-ਟਰਨ ਲੈ ਲਿਆ। ਇਸ ਦੌਰਾਨ ਜੈਪੁਰ ਤੋਂ ਅਜਮੇਰ ਜਾ ਰਹੇ ਇਕ ਟਰੱਕ ਨੇ ਉਸਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ‘ਚ 5 ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਸਵਾਈ ਮਾਨਸਿੰਘ ਹਸਪਤਾਲ ਵਿੱਚ ਇਲਾਜ ਦੌਰਾਨ 9 ਵਿਅਕਤੀਆਂ ਨੇ ਦਮ ਤੋੜ ਦਿੱਤਾ।ਗੇਲ ਇੰਡੀਆ ਲਿਮਟਿਡ ਦੇ ਸੁਸ਼ਾਂਤ ਕੁਮਾਰ ਸਿੰਘ (ਫਾਇਰ ਐਂਡ ਸੇਫਟੀ) ਨੇ ਦੱਸਿਆ ਕਿ ਟੱਕਰ ਕਾਰਨ ਟੈਂਕਰ ਦੀਆਂ ਪੰਜ ਨੋਜ਼ਲਾਂ ਟੁੱਟ ਗਈਆਂ ਅਤੇ 18 ਟਨ (180 ਕੁਇੰਟਲ) ਗੈਸ ਲੀਕ ਹੋ ਗਈ। ਇਸ ਨਾਲ ਇੰਨਾ ਜ਼ਬਰਦਸਤ ਧਮਾਕਾ ਹੋਇਆ ਕਿ ਪੂਰਾ ਇਲਾਕਾ ਅੱਗ ਦੇ ਗੋਲੇ ‘ਚ ਤਬਦੀਲ ਹੋ ਗਿਆ। ਟੈਂਕਰ ਵਿੱਚ ਧਮਾਕਾ ਹੋਣ ਤੋਂ ਕਰੀਬ 200 ਮੀਟਰ ਦੂਰ ਇੱਕ ਹੋਰ ਟੈਂਕਰ ਐਲਪੀਜੀ ਨਾਲ ਭਰਿਆ ਹੋਇਆ ਸੀ। ਖੁਸ਼ਕਿਸਮਤੀ ਰਹੀ ਕਿ ਉਸਨੂੰ ਅੱਗ ਨਹੀਂ ਲੱਗੀ।