Jammu Kashmir News: ਜ਼ਿਲ੍ਹਾ ਹੈੱਡਕੁਆਰਟਰ ਕਠੂਆ ਦੇ ਵਾਰਡ ਨੰਬਰ 19 ਦੇ ਸ਼ਿਵਨਗਰ ਵਿੱਚ ਦੇਰ ਰਾਤ ਇੱਕ ਘਰ ਨੂੰ ਅੱਗ ਲੱਗ ਗਈ। ਘਰ ਦੇ ਅੰਦਰ ਨੌਂ ਵਿਅਕਤੀ ਸੌਂ ਰਹੇ ਸਨ। ਇਨ੍ਹਾਂ ਵਿੱਚੋਂ 6 ਦੀ ਦਮ ਘੁੱਟਣ ਨਾਲ ਮੌਤ ਹੋ ਗਈ। ਤਿੰਨ ਬੇਹੋਸ਼ ਹਨ। ਮਦਦ ਲਈ ਆਇਆ ਇੱਕ ਹੋਰ ਗੁਆਂਢੀ ਵੀ ਬੇਹੋਸ਼ ਹੈ। ਚਾਰਾਂ ਨੂੰ ਜੀਐਮਸੀ ਕਠੂਆ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮ੍ਰਿਤਕਾਂ ਦੀ ਪਛਾਣ ਗੰਗਾ ਭਗਤ (17) ਪੁੱਤਰੀ ਭਾਰਤ ਭੂਸ਼ਣ ਵਾਸੀ ਸ਼ਹੀਦੀ ਚੌਕ ਕਠੂਆ, ਦਾਨਿਸ਼ ਭਗਤ (15) ਪੁੱਤਰ ਭਾਰਤ ਭੂਸ਼ਨ ਵਾਸੀ ਸ਼ਹੀਦੀ ਚੌਕ ਕਠੂਆ, ਅਵਤਾਰ ਕ੍ਰਿਸ਼ਨ (81) ਪੁੱਤਰ ਕੇਸ਼ਵ ਰੈਣਾ ਵਾਸੀ ਵਾਰਡ ਨੰਬਰ 16 ਸ਼ਿਵ ਨਗਰ ਕਠੂਆ, ਬਰਖਾ ਰੈਨਾ (25) ਪੁੱਤਰੀ ਅਵਤਾਰ ਕ੍ਰਿਸ਼ਨ ਵਾਸੀ ਸ਼ਿਵ ਨਗਰ ਕਠੂਆ, ਤਕਾਸ਼ ਰੈਨਾ (3) ਪੁੱਤਰ ਅਵਤਾਰ ਕ੍ਰਿਸ਼ਨ ਵਾਸੀ ਸ਼ਿਵ ਨਗਰ ਕਠੂਆ, ਅਦਵਿਕ ਰੈਨਾ (04) ਪੁੱਤਰ ਸੰਦੀਪ ਕੌਲ ਨਿਵਾਸੀ ਜਗਤੀ ਨਗਰੋਟਾ, ਜੰਮੂ ਵਜੋਂ ਹੋਈ ਹੈ। ਹਸਪਤਾਲ ਵਿੱਚ ਦਾਖ਼ਲ ਹੋਣ ਵਾਲਿਆਂ ਵਿੱਚ ਸਵਰਨਾ (61) ਪਤਨੀ ਅਵਤਾਰ ਕ੍ਰਿਸ਼ਨ ਵਾਸੀ ਸ਼ਿਵ ਨਗਰ ਕਠੂਆ, ਨੀਤੂ ਦੇਵੀ (40) ਪਤਨੀ ਭਾਰਤ ਭੂਸ਼ਨ ਵਾਸੀ ਸ਼ਹੀਦੀ ਚੌਕ ਕਠੂਆ, ਅਰੁਣ ਕੁਮਾਰ (15) ਪੁੱਤਰ ਸੈਨ ਚੰਦ ਵਾਸੀ ਬਟੋਟੇ ਰਾਮਬਨ ਅਤੇ ਕੇਵਲ ਕ੍ਰਿਸ਼ਨ (69) ਪੁੱਤਰ ਮਨਸਾ ਰਾਮ ਵਾਸੀ ਸ਼ਿਵ ਨਗਰ ਕਠੂਆ ਹਨ।
ਹਿੰਦੂਸਥਾਨ ਸਮਾਚਾਰ
