New Delhi: ਐਨਟੀਪੀਸੀ ਦੀ ਸਬਸਿਡਰੀ ਐਨਟੀਪੀਸੀ ਗ੍ਰੀਨ ਐਨਰਜੀ ਨੇ ਆਪਣੇ 10,000 ਕਰੋੜ ਰੁਪਏ ਦੇ ਆਈਪੀਓ ਲਈ 102 ਰੁਪਏ ਤੋਂ 108 ਰੁਪਏ ਪ੍ਰਤੀ ਸ਼ੇਅਰ ਦਾ ਪ੍ਰਾਈਜ਼ ਬੈਂਡ ਤੈਅ ਕੀਤਾ ਹੈ। ਇਹ ਆਈਪੀਓ 19 ਨਵੰਬਰ ਨੂੰ ਸਬਸਕ੍ਰਿਪਸ਼ਨ ਲਈ ਖੁੱਲ੍ਹੇਗਾ। ਆਈਪੀਓ ਦੀ ਸਮਾਪਤੀ 22 ਨਵੰਬਰ ਨੂੰ ਹੋਵੇਗੀ। ਇਸ਼ੂ ਦੇ ਖੁੱਲ੍ਹਣ ਤੋਂ ਪਹਿਲਾਂ, ਐਂਕਰ ਬੁੱਕ 18 ਨਵੰਬਰ ਨੂੰ ਖੋਲ੍ਹੀ ਜਾਵੇਗੀ, ਜਿਸ ਰਾਹੀਂ ਐਂਕਰ ਨਿਵੇਸ਼ਕ ਆਈਪੀਓ ਵਿੱਚ ਆਪਣੀਆਂ ਬੋਲੀ ਲਗਾਉਣਗੇ। ਐਨਟੀਪੀਸ ਗ੍ਰੀਨ ਐਨਰਜੀ ਦੇ ਸ਼ੇਅਰ 27 ਨਵੰਬਰ ਨੂੰ ਬੰਬਈ ਸਟਾਕ ਐਕਸਚੇਂਜ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ ‘ਤੇ ਸੂਚੀਬੱਧ ਹੋਣਗੇ।
ਐਨਟੀਪੀਸ ਗ੍ਰੀਨ ਐਨਰਜੀ ਦੇ ਆਈਪੀਓ ਵਿੱਚ, ਫੀਸਦੀ ਹਿੱਸਾ ਯੋਗਤਾ ਪ੍ਰਾਪਤ ਸੰਸਥਾਗਤ ਖਰੀਦਦਾਰਾਂ (ਕਿਉਆਈਬੀ) ਲਈ ਰਾਖਵਾਂ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ, 15 ਫੀਸਦੀ ਹਿੱਸਾ ਗੈਰ-ਸੰਸਥਾਗਤ ਨਿਵੇਸ਼ਕਾਂ (ਐਨਆਈਆਈ) ਲਈ ਅਤੇ 10 ਫੀਸਦੀ ਪ੍ਰਚੂਨ ਨਿਵੇਸ਼ਕਾਂ ਲਈ ਰਾਖਵਾਂ ਕੀਤਾ ਗਿਆ ਹੈ। ਇਸ ਵਿੱਚ ਕਰਮਚਾਰੀਆਂ ਲਈ 200 ਕਰੋੜ ਰੁਪਏ ਦੇ ਸ਼ੇਅਰ ਰਾਖਵੇਂ ਰੱਖੇ ਗਏ ਹਨ, ਜਿਨ੍ਹਾਂ ਨੂੰ ਪ੍ਰਤੀ ਸ਼ੇਅਰ 5 ਰੁਪਏ ਦਾ ਡਿਸਕਾਉਂਟ ਦਿੱਤਾ ਜਾਵੇਗਾ। ਇਸ ਆਈਪੀਓ ਤਹਿਤ ਸਿਰਫ਼ ਨਵੇਂ ਸ਼ੇਅਰ ਜਾਰੀ ਕੀਤੇ ਜਾਣਗੇ। ਇਸ ‘ਚ ਆਫ਼ ਫਾਰ ਸੇਲ ਨਹੀਂ ਹੋਵੇਗਾ।
ਇਸ ਆਈਪੀਓ ਰਾਹੀਂ ਇਕੱਠੇ ਕੀਤੇ ਜਾਣ ਵਾਲੇ 10,000 ਕਰੋੜ ਰੁਪਏ ਵਿੱਚੋਂ, 7,500 ਕਰੋੜ ਰੁਪਏ ਐਨਟੀਪੀਸੀ ਗ੍ਰੀਨ ਐਨਰਜੀ ਆਪਣੀ ਸਹਾਇਕ ਕੰਪਨੀ ਐਨਟੀਪੀਸੀ ਰੀਨਿਊਏਬਲ ਐਨਰਜੀ ਲਿਮਟਿਡ (ਐਨਆਰਈਐਲ) ਦੇ ਕਰਜ਼ੇ ਦੀ ਅਦਾਇਗੀ ਕਰਨ ਲਈ ਵਰਤੇਗੀ, ਜਦੋਂ ਕਿ ਬਾਕੀ 2,500 ਕਰੋੜ ਰੁਪਏ ਆਮ ਕਾਰਪੋਰੇਟ ਲੋੜਾਂ ਨੂੰ ਪੂਰਾ ਕਰਨ ਲਈ ਵਰਤੇ ਜਾਣਗੇ। ਐਨਟੀਪੀਸੀ ਦੀ ਪੂਰੀ ਮਲਕੀਅਤ ਵਾਲੀ ਸਬਸਿਡਰੀ ਐਨਟੀਪੀਸੀ ਗ੍ਰੀਨ ਐਨਰਜੀ ਯੂਟਿਲਟੀ ਸਕੇਲ ਰੀਨਿਊਏਬਲ ਪਾਵਰ ਪ੍ਰੋਜੈਕਟਾਂ ਦਾ ਪੋਰਟਫੋਲੀਓ ਤਿਆਰ ਕਰਦੀ ਹੈ।
ਹਿੰਦੂਸਥਾਨ ਸਮਾਚਾਰ
